பார்வை:

உண்மையான

காதலுக்கு - உடல்

தெரியாது.

உள்ளம் மட்டுமே

தெரியும்.

பொய்:

ஏழையின் சிரிப்பில்

இறைவனை

காணலாம் - ஆம்

உண்மைதான்

கடவுள் இல்லை.

புனிதம்:

சொல்லாமல்

இருக்கும்

வரையில்தான்

காதல்

புனிதமானது.

மரணம்:

ஒருவனின்

மரணம் மற்றவர்களை

கண்ணீர் சிந்தவைத்தால்

அந்த

மரணம்

புனிதமாக்கப்படுகிறது.

பாவம்:

உலகில்

மிகவும்

கொடுமையான

செயல் - தான்

மரணமடைந்து

மற்றவர்களை

அழவைப்பதுதான்.

ரசிகன்:

எவனோ ஒருவன்

மகிழ்ச்சியடைவான் என்றால்

நான் எத்தனைமுறை

வேண்டுமானாலும்

தோல்வியடைய தயார்.

சோம்பேறி:

மின்விசிறி

சுற்றிகொண்டிருக்கிறது.

சுறுசுறுப்பாய்...

மனிதன்

அதனடியில்

சோம்பேறியாய்...

தேடல்:

நான் பிறந்ததிலிருந்து,

என் வெற்றியின் தேடல்

தொடங்கிவிட்டது.

இன்றுவரை

தேடிகொண்டிருக்கிறேன்.

சில காலங்களுக்கு பிறகு

வெற்றியடையலாம்.

எனினும்,

வாழ்க்கையில்

தோல்வியடைய போகிறேன்

சில காலங்களுக்கு பிறகு

மரணமடைந்து...

மாற்றம்:

இத்தனை நாள்

சொர்கத்தை

தேடிகொண்டிருந்தேன்..

இந்த நரகத்திலிருந்துகொண்டு

இன்றுமுதல்

நான் வசிக்கும்

நரகம் சொர்க்கமாகிறது.

என்னவளை

பார்த்துவிட்டேன் அல்லவா?

அதனால்தான்.

என் லட்சியம்:

என்

பிறப்பை கண்டு

எத்தனை பேர்,

சிரித்தார்களோ?

எனக்கு தெரியாது.

ஆனால், என் இறப்பை கண்டு

யாரும் கண்ணீர்

சிந்தகூடாது...

சரியான கூற்று:

பெண்ணே,

ஐன்ஸ்டீனின் கூற்று

சரியானது தான்

காலம்

நீண்டும், குறுகியும்தான்

இருக்கிறது.

நீ என்னருகில்

இருக்கும்போதும்

என்னைவிட்டு

விலகியிருக்கும் போதும்.

வறுமை:

நான்

நீ வருவாய் என

எதிர்பார்த்துகொண்டிருந்த

தருணங்களில்

உன்னை

கவிதையாக எழுதியே

வறுமையில் இருக்கிறேன்

இன்று வார்த்தைகள்

தீர்ந்துபோனதால்...

நிழல்:

என் தீவிர

விசிறி

என் நிழல்

நான் எங்கே

சென்றாலும்,

என் கூடவே வரும்.

அய்யோ...:

அழகை பார்த்தால்

கவிதை எழுதலாம் - பெண்ணே

ஆனால் கவிதையை

பாத்தால் என்ன

எழுதுவது.

விருப்பம்:

நான்

என்னை மற்றவர்கள்

நல்லவன் என

நினைக்கவேண்டுமென்று,

கெட்டவனாக

இருக்கமாட்டேன்.

என்னை

மற்றவர்கள்

கெட்டவன் என

நினைத்தாலும்,

பரவாயில்லை - நான்

நல்லவனாக

இருக்க விரும்புகிறேன்.

என்னசெய்வது?:

பெண்ணே

உன் கண்களை

பார்த்த வேளையில்

என் இதயம்

சொல்கிறதடி....

உனக்காக வாழலாம்,

உனக்காக சாகலாம் என்றும்.

புனிதம்:

உலகில்

மிகவும்

கேவலமானது

ஒரு பெண்ணிற்க்காக

சண்டையிட்டு கொள்வதுதான்.

உலகில்

மிகவும்

புனிதமானது

ஒரு பெண்ணிற்க்காக

சண்டையிட்டு கொள்வதுதான்.

உனக்காக:

எத்தனை பேர்

என்னை

சுற்றியிருந்தாலும்,

நான் மட்டும் தனிமையில்

இருக்கிறேன்

நீ வருவாய் என...

நான் கடவுள்:

உயிருள்ள

என்னை படைத்துவிட்ட - இறைவன்

உயிரற்ற என் உடலுக்கு

என் உயிரை கொடுத்துவிட்டான்.

அதனால் தான்

உயிருள்ள என்னால்,

உயிரற்ற, என் உடலை

கட்டுபடுத்த முடியவில்லை

இல்லையெனில்,

உயிருள்ள

நானும் - உயிரற்ற

கடவுளாகதான் இருந்திருப்பேன்

உயிரோடு...

சுய நலம்:

தனக்கென

ஒரு பிரச்சனை

வரும்போதுதான்

எல்லாரும்

கேள்விகேட்க

ஆரம்பிக்கிறார்கள்..

இளமைகாதல்:

கண்களில்

காண்பவர்களையெல்லாம்

காதல் செய்வேன்

எனக்கென ஒருவள்

கிடைக்கும்வரை

உள்ளம்:

கண்படும்படி கட்டியுள்ள

தாஜ்மஹால் அதிசயமல்ல

பெண்ணே - என்

உள்ளத்தில் கண்படாமல்

இருக்கும் உன்னால்.

பாசம்:

வயலில்,

வளர்த்தவனின் பாசத்திற்க்கு

தலைவணங்கியது.

நெல்மணிகள் - அடுத்த நாள்

அறுவடை என

தெரியாமலே...

மலை:

இயற்கை

தன்னை

பாராட்டி தானே - மகுடம்

சூட்டிகொண்டதுதான்

மலை.

பருவமழை:

மழைகாலத்தில் பெய்த

கண்ணீரும்,

வெயில்காலத்தில் பெய்த

மழைன நீரும் - இணைந்து

உப்புன நீரானது

கடலில்.

பயணம்:

மழைகால

வெயிலோடு,

அவளின்

நினைவோடு,

ஒவ்வொரு அடியாய்

கால்தடம் பதிக்கவேண்டும்.

தொலைதூர பயணமாய்

மரணத்தை தேடி...

சோம்பேறி:

உழைத்து உழைத்து

தேய்ந்துபோன

காலணியை

ஒதுக்கிவைத்தான்

வீட்டைவிட்டு

சோம்பேறி.

விருந்து:

என்

அறிவுபசியால்

சுற்றி திரிகையில்

கிடைத்தது விருந்து

புத்தகத்திலிருந்து.

மிதிவண்டி:

அவள்

பாதம் பட்டவுடன்

மிதிவண்டிகூட

மிதிக்காமல் போனது

பள்ளத்தில்

என்னைபோல்.

இ(து)ன்பம்:

வாழ்க்கையில்

இன்பம் என்பது

துன்பம் நம்

கையைவிட்டுபோகும்போது...

துன்பம் என்பது

இன்பத்தை

நாம்

கைவிடும்போது...

மனைவி:

கருவறையிலிருந்த

எனக்கு முன்னுரை

கொடுத்த என்

அன்னையைபோல்

மணவறையில் என்

வாழ்க்கைக்கு அணிந்துரை

கொடுத்தாள்

என் காதலி.

மகள்(ன்):

அன்னையும்,

பிதாவும்

முன்னின்று

எழுதிய

புத்தகம் - மகன்(ள்)

வளர்ச்சி:

எட்டுவயதில்

தாடிவளர்க்க

ஆசைபட்டேன் - ஆனால்

இன்று பதினெட்டு வயது

தாடியே,

என் வாழ்க்கையானது

அவளால்.

மாலை நேரபொழுதில்:

என்னவளை

பார்த்ததால் என்னவோ

மலையின் பின்புறம்,

மறைய

முயன்றுகொண்டிருந்தது  - சூரியன்

வெட்க்கத்தினால் போலும்.

என்னவள்:

மழைத்துளியை

வெயில்

முத்தமிடுவதால்

வானவில் தோன்றும்.

என்ற நியதி

பொய்த்துபோனது

ஓரிரு

நிமிடத்தில்

சாலையைக்கடந்து சென்ற

என் மின்னலால்.

வெட்கம்:

என்னவளை

நான் பார்த்த

அடுத்த வினாடி

உயிரில்லாத

பொருட்களனைத்தும்,

உயிருள்ள எனக்கு

வாழ்த்துக்கள் சொல்லயில்

நானே என்

நிழலில்

ஒளிய முயற்சிசெய்தேன்

வெட்கத்தில்.

அனுபவம்:

இன்று

சரியானவயாக இருந்தவைகள்

அனைத்தும் - நாளை

தவறானவையாக இருக்கலாம்

காரணம்,

நேற்றைவிட - நீ

இன்று ஒரு நாள்

வயதான அனுபவசாலி.

விதி:

தேடல்களின்

முற்றுபுள்ளி - மரணம்

தொடக்கம்

பிறப்பு.

கிறுக்கல்:

கவிதை

எப்படி எழுதவேண்டும் என்று

எனக்கு தெரியாது.

அதனால்தான் - நான்

கிறுக்கும் வார்த்தைகள்

கவிதையாய் இருக்கிறது

என் காதலால்.

சுவடுகள்:

என்

காதலை - உன்னிடம்

சொல்லவில்லை

என்

காதல் - உனக்கும்

தெரியாது.

இந்த

உலகத்திற்கும் தெரியாது.

என்

காதல் - எனக்கு

தெரியும்

நான் இருந்தாலும்,

இறந்தாலும்.

என்

காதல் - சுவடுகள்

என்றும் அழியாது.

ஊர்வலம்:

எதையோ வற்புறுத்தி

ஊர்வலமாய்

சென்றுகொண்டிருந்தது

எறும்புக் கூட்டங்கள்.

ஒருவேளை

ஒற்றுமையையோ?

எழுதுகோல்:

என் வாழ்க்கையை

திருத்தி எழுதிய - பென்னை

முதன்முதலில்

பார்த்தபோது - கையில் பிடித்து

எழுததொடங்கினேன்

என் பெயரை.

காமம்:

தொலைவிலிருந்த

என் காதலியின்

கண்களை ரசித்து

கொண்டிருந்த போது...

அவளது அனுமதியின்றி

அவளை

உரசிசென்ற காற்றை

அடைத்துவைத்தேன்

அன்புடன் என்

நுரையிரலில்.

போட்டி:

கதிரவனிடம்

போட்டி போட்ட - நிலா

ஒளிர முடியாமல்

தோற்றுப்போனது.

தேய்பிறையன்று.

உழைப்பு:

நாம்

தேடிபோகும்

இடத்திற்க்கு

உழைப்பால்

பாதை போட்டால்தான்

செல்லமுடியும்.

விடியல்:

இன்று

விடிந்துவிட்டது இரவு

ஆனால்

இன்னும் வெளிச்சம்

கிடைக்கவில்லை

ஏழையின் வீட்டில்.

இரவு:

இரவு கூட

உறவாகிபோனது

பகலில்

அடிகடி உறங்குவதால்.

ஆண்மை:

மரணத்தையும்

முத்தமிடுவேன்,

அவளது நினைவோடு

எமனிடமே யுத்தமிடுவேன்

அவளுக்காக.

நாணம்:

தொட்டவுடன்

சிணுங்கிவிட்டால் - நாணத்தில்

தொட்டாஞ்சினுங்கி.

ஆறு:

சிறுசிறு

மழைத்துளிகளை

அழைத்துசென்று - தற்கொலை

செய்துகொண்டது

ஆறு

கடலில் உப்பு நீருடன்

கலந்து.

இலையுதிர்காலம்:

கல்லூரியின்

கடைசி நாட்கள்

எங்கள் பிரிவை

தாங்கமுடியாமல்

கண்ணீர்வடித்தது

நாங்கள் வைத்த மரம்

இலைகலை

உதிர்த்துகொண்டு...

கல்:

கல்

சிறிப்பியிடம்

உளியால் வாங்கும்

அடியையும் பொருத்து

கொண்டது - சில

நிமிடங்களில்

தானும்

கடவுள்

என்பதாலோ?

பழி:

நாம்

காலால்

மிதித்த வலியை

மவுனமாய்

பொருத்துகொண்டதால்

பழிசுமத்திவிட்டோம்

முள் குத்திவிட்டதென்று.

வலி:

வலிகூட

சுகமாகத்தான்

இருக்கிறது

என் காதலை

மறுத்த உன்னால்

மறைக்க முடியாத

உன் நினைவுகளால்...

துரோகம்:

நன்றிக்காக

சிலை வைத்த

மக்களுக்கு துரோகம்

இழைத்தது

பொய்த்துபோன

பருவமழை.

நட்பு:

கடைக்கடையாய்

தேடியலைந்தேன்

பூவிற்க்காக - கடைசியில்

அவளிடம் கிடைத்தது

நட்பு.

நண்பன்:

எங்கோ பிறந்த

எங்களுக்கிடையில்

மனமாற்றம் - வகுப்பறையில்

நண்பர்களாக நாங்கள்.

அழுகை:

பிரசவத்தில்

அன்னையின்

வலியறிந்து

பிறந்தவுடன் அழுதது

மழழை.

கண்ணீர்:

வயலில்

வாடிகிடக்கும்

பயிர்களைப்பார்த்து

மழைபெய்தது - உழவனின்

கண்களில்.

ஒற்றுமை:

பல நாட்டின்

நதிகள் கூட

ஒற்றுமையாய் இருக்கிறது

கடலில் கலந்து - அதையும்

பிரித்துவிட்டார்கள்

மனிதர்கள்

ஏழுகடலென.

பலம்:

தோல்விதான்

பலம் என

உணர்ந்தேன்

வாழ்க்கையில்

வெற்றிபெற்ற பின்பு.

பசி:

தனி ஒருவனுக்கு

உணவில்லை என்றால்

உலகத்தை அழித்திடலாம்.

யார் அழிப்பது?

பசியால் சுருண்டு கிடப்பவனா

அல்லது பணமுடையவனா?

சதி:

தமிழுக்காக

போராடுபவர்களின்

பட்டியலில் முதலில்

கையெழுத்திட்டான்

அவன்

ஆங்கிலத்தில்.

ஆசிரியர்:

ஏனோதானோ

என் என்னை

படைத்துவிட்ட பிரம்மன்

என் ஆசிரியரிடம்

தோல்வியுறுவான்

வாழ்க்கையை

வகுப்பாக

எடுக்கமுடியாமல்.

விதி:

மதியால்

தான் செய்த

சதியால்

மாட்டிகொண்டு

சொன்னான்

எல்லாம்

"விதியால்"